ఛార్జీలు వ‌ర్తించ‌ని ఏటీఎం లావాదేవీలు

ఏటీఎంల‌లో న‌గ‌దు ర‌హిత లావాదేవీల‌పై ఛార్జీలు వసూలు చేయ‌రాద‌ని ఆర్‌బీఐ బ్యాంకుల‌ను ఆదేశించింది

ఛార్జీలు వ‌ర్తించ‌ని ఏటీఎం లావాదేవీలు

బ్యాంకులు త‌మ పొదుపు వినియోగ‌దారుల‌కు నెల‌కు కొన్ని లావాదేవీలు ఉచితంగా చేసుకునే అవ‌కాశాన్ని క‌ల్పిస్తాయి. పరిమితికి మించి ఎక్కువ‌సార్లు లావాదేవీలు చేస్తే ఛార్జీలు వ‌ర్తిస్తాయి. అయితే కొన్ని ర‌కాల లావాదేవీలు ఛార్జీలు వ‌సూలు చేయ‌కూడ‌ద‌ని బ్యాంకుల‌కు ఆర్‌బీఐ సూచించింది. అవి ఏంటంటే…

1.ఏవైనా సాంకేతిక స‌మ‌స్య‌ల కార‌ణంగా లావాదేవీలు ర‌ద్దు అయితే అవి లావాదేవీలుగా లెక్కించ‌కూడ‌ద‌ని తెలిపింది. అటువంటి సంద‌ర్భాల్లో ఛార్జీలు వ‌సూలు చేయ‌కూడ‌ద‌ని సూచించింది.

2.ఏటిఎం మిష‌న్ల‌లో స‌రిప‌డినంత న‌గ‌దు లేక‌పోవ‌డం, పిన్ నంబ‌ర్ త‌ప్పుగా ఎంట‌ర్ చేయ‌డం వంటి కార‌ణాల చేత లావాదేవీలు ర‌ద్దు అయితే వీటిపై ఛార్జీలు వ‌ర్తించ‌వు.

3.ఖాతాలో బ్యాలెన్స్ వివ‌రాలు, చెక్ బుక్ అభ్య‌ర్థ‌న‌, ప‌న్ను చెల్లింపులు, న‌గ‌దు బ‌దిలీ చేయ‌డం వంటివి లావాదేవీలుగా ప‌రిగ‌ణించ‌కూడ‌దని చెప్పింది.

ఆర్‌బీఐ తాజా నివేదిక ప్ర‌కారం మార్చి 2019 నాటికి ఏటిఎం లావాదేవీల సంఖ్య 2.22 ల‌క్ష‌లుగా ఉంది. గ‌తేడాది ఇది 2.21 ల‌క్ష‌లు. ఆర్‌బీఐ వార్షిక నివేదిక‌లో, బ్యాంకులు వైట్‌లేబుల్ ఏటీఎంల భాగ‌స్వామ్యంతో కో-బ్రాండెడ్ ఏటీఎం కార్డుల‌ను జారీచేయ‌వ‌చ్చ‌ని తెలిపింది. దీంతో సొంత బ్యాంకు ఏటీఎంల‌లో లావాదేవీలు జ‌రుపుకునేవారికి బ్యాంకు ఇచ్చే ఉచిత లావాదేవీల ప‌రిమితి పెరిగి ఛార్జీలు త‌గ్గే అవ‌కాశం ఉంటుంది.

సిరి లో ఇంకా

మ‌దుప‌ర్ల ప్ర‌శ్న‌ల‌కు సిరి జవాబులు , వ‌డ్డీ లెక్కేసేందుకు సిరి క్యాలుక్యులేట‌ర్ చక్ర వడ్డీ , ఏ అంశాన్నైనా సులభంగా అర్థ‌మ‌య్యేలా చేసే ఇన్ఫోగ్రాఫిక్స్, వివిధ ర‌కాల మ్యూచువ‌ల్ ఫండ్ల ప‌నితీరు ఎలా ఉందో తెలిపే ఫండ్ల వివ‌రాలు. ఫాలో అవ్వాలంటే ఈనాడు సిరి ఫేస్ బుక్ , ఈనాడు సిరి ట్విట్ట‌ర్

Comments

0

Post Comment

Thank you for submitting your comment. We will review it, and make it public shortly