పెద్దల డిపాజిట్ ఖాతాలు

సీనియర్‌ సిటిజన్స్‌ (పెద్దల) కోసం బ్యాంకులు ప్రత్యేక డిపాజిట్‌ ఖాతాలను అందిస్తున్నాయి. 60ఏళ్లు పైబడిన వారిని సీనియర్‌ సిటిజన్స్‌గా పరిగణిస్తారు.

పెద్దల డిపాజిట్ ఖాతాలు

60 ఏళ్లు ఆ పై ఉన్నవారు పదవీ విరమణ చేసి ఉంటారు కాబట్టి వారి ఆదాయ వనరులు సైతం క్రమంగా తగ్గుతూ వస్తాయి. పెద్దల పదవీ విరమణ తర్వాతి ఆదాయ వనరులకు అదనపు వడ్డీని అందించే ఉద్దేశంతో ప్రభుత్వం ఈ రకమైన డిపాజిట్ల వడ్డీ రేట్లను కాస్త ఎక్కువగానే నిర్ణయించింది.

దాదాపు అన్ని బ్యాంకులు సాధారణం కంటే 0.5శాతం అదనపు వడ్డీని సీనియర్‌ సిటిజన్స్‌ డిపాజిట్లపై ఇస్తున్నాయి.

పెద్దల డిపాజిట్ ఖాతా లక్షణాలు

  • సీనియర్‌ సిటిజన్స్‌ ఎంపికచేసుకునే పెట్టుబడి పథకాన్ని బట్టి కనీస మొత్తం డిపాజిట్‌ చేసేందుకు అవకాశాన్ని కల్పిస్తున్నాయి.
  • 15రోజులు మొదలుకొని 120 నెలల కాలపరిమితితో డిపాజిట్లు చేసుకునే వెసులుబాటు ఉంది.
  • మెచ్యూరిటీ సమయం గడవక ముందే సొమ్ము విత్‌డ్రా చేసుకునే అవకాశాన్ని ఆయా బ్యాంకుల నియమనిబంధనలను అనుసరించి, తగ్గింపు వడ్డీతో అందిస్తున్నాయి.
  • ఈ డిపాజిట్లపై రుణాలను పొందే అవకాశం ఉంటుంది.

సీనియర్ సిటిజన్స్ డిపాజిట్ ప్రత్యేక సదుపాయాలు…

  • 70ఏళ్లు దాటిన సీనియర్‌ సిటిజన్స్‌ తమ ఖాతాలో కనీస నిల్వ ఉంచుకోవాలనే నియమమేమీ లేదు.
  • సాధారణ రేట్ల కంటే 20శాతం తక్కువగా సేవా ఛార్జీలను వసూలు చేస్తారు. (డీడీ లాంటి ప్రాథమిక సేవలకు మాత్రమే)
  • బ్యాంకులు ఇచ్చే రాయితీలు పెద్దగా ప్రభావం చూపించకపోవచ్చు. అయితే దీర్ఘకాలంపాటు పెట్టుబడులు పెట్టేవారి కోసం ఈ రాయితీలకు తోడయ్యే చక్రవడ్డీ మాత్రం పెద్ద ప్రయోజనాలనే చేకూర్చుతుందనడంలో సందేహం లేదు.

Comments

0

Post Comment

Thank you for submitting your comment. We will review it, and make it public shortly