డెట్ ఫండ్ల‌తో ఎన్నో ప్ర‌యోజ‌నాలు

డెట్ ఫండ్ల‌లో మ‌దుపు చేస్తే ప్ర‌యోజ‌నాలేంటి అనుకుంటున్నారా?

డెట్ ఫండ్ల‌తో ఎన్నో ప్ర‌యోజ‌నాలు

కొత్త‌గా మ్యూచువ‌ల్ ఫండ్ల‌లో మ‌దుపుచేసే వారు ఎక్కువ మంది సిప్ ద్వారా ఈక్విటీలో పెట్టుబ‌డి పెడుతున్నారు, కానీ డెట్ ఫండ్లలో ఆ జోరు లేద‌నే చెప్పాలి.

తాజా గ‌ణాంకాలు ప‌రిశీలిస్తే

మ్యూచువ‌ల్ ఫండ్లో వివిధ వ‌ర్గాల‌కు చెందిన మ‌దుప‌ర్ల పెట్టుబ‌డులు మార్చి 2018 నాటికి మొత్తం నిర్వ‌హ‌ణ‌లో ఉన్న ఆస్తులు 22.71 ల‌క్ష‌ల కోట్ల‌కు చేరుకున్నాయి. సంస్థాగ‌త మ‌దుప‌ర్ల వాటా 48.6 శాతం , వ్య‌క్తిగ‌త మ‌దుప‌ర్ల వాటాలు 51.4 శాతం గా ఉన్నాయి.

ఈక్విటీ ఫండ్ల కు సంబంధించి వ్య‌క్తిగ‌త మ‌దుప‌ర్లు (రిటైల్ , హెచ్ఎన్ఐ) ఎక్కువ మొత్తంలో పెట్టుబ‌డులు చేశారు. సంస్థాగ‌త మ‌దుప‌ర్లు డెట్ ఫండ్ల‌లో ఎక్కువ మొత్తంలో మ‌దుపు చేశారు.

ఈక్విటీ ఆధారిత ఫండ్లలో వ్య‌క్తిగ‌త మ‌దుప‌ర్లు 85 శాతం మ‌దుపు చేశారు. లిక్విడ్ మ‌నీ మార్కెట్ ఫండ్ల‌లో 90శాతం,డెట్ ఆధారిత ఫండ్ల‌లో60,ఫండ్ ఆఫ్ ఫండ్ , ఈటీఎఫ్‌ల్లో 91 శాతం పెట్టుబ‌డులు సంస్థాగ‌త మ‌దుప‌ర్లు చేశారు.

datamf.png

డెట్ ఫండ్ల‌లో మ‌దుపు చేస్తే ప్ర‌యోజ‌నాలేంటి అనుకుంటున్నారా?

కాల‌ప‌రిమితి:

రాబ‌డి హామీతో కూడిన ప‌థ‌కాల‌తో పోలిస్తే డెట్ ప‌థ‌కాల్లో వివిధ ర‌కాల కాల‌ ప‌రిమితుల్లో ఉంటాయి. లిక్విడ్ ఫండ్లు మూడు నెల‌ల నుంచి ఏడాది లోపు పెట్టుబ‌డి చేసేందుకు అనువైన‌వి. ఆల్ట్రా షార్ట్ ట‌ర్మ్ ఫండ్లు వీటి కాల‌ప‌రిమితి మూడు నెల‌ల నుంచి ఏడాది వ‌ర‌కూ ఉంటుంది. షార్ట్ ట‌ర్మ్ బాండ్ ఫండ్లు1-2 సంత్స‌రాల కాల‌ప‌రిమితితో ల‌భిస్తాయి. వీటిలో ఇంకా డెట్ ఫండ్లు మ‌ధ్య‌స్థంగా ఉండేవి 2-3 సంవ‌త్స‌రాలు, దీర్ఘ‌కాలం అయితే 3-5 సంవ‌త్స‌రాలు కాల‌ప‌రిమితితో ఉంటాయి. సాధార‌ణ బ్యాంకు ఖాతాలో ఉంచుకుంటే ల‌భించే వ‌డ్డీ శాతం 4 కంటే డెట్ ఫండ్ల‌ను ఎంచుకోవ‌డం మంచిది.

ప‌న్నుచెల్లింపులు:

సాంప్ర‌దాయ డెట్ రాబ‌డి ప‌థ‌కాల్లో ప్ర‌తీ ఏడాది మ‌దుప‌రి స్లాబు రేటు వ‌ద్ద‌ ప‌న్నుచెల్లించాల్సి ఉంటుంది. డెట్ ఫండ్ల‌లో మూల‌ధ‌న రాబ‌డిపై మాత్ర‌మే ప‌న్ను చెల్లించాలి. స్వ‌ల్ప‌కాల మూల‌ధ‌న ఆదాయం మ‌దుప‌ర్ల వారి స్లాబు రేటు ప్ర‌కారం ఉంటుంది. డెట్ ఫండ్లో మ‌దుపు మూడేళ్లకు పైబ‌డి చేస్తే దీర్ఘ‌కాల రాబ‌డి పై మాత్రం 20శాతం (ఇండెక్సేష‌న్) ప‌న్ను చెల్లించాల్సి ఉంటుంది. ఉదాహ‌ర‌ణ‌కు మీరు డెట్ ఫండ్ల ద్వారా 9శాతం రాబ‌డిని ఆర్జించారు అనుకుందాం. అప్ప‌టికీ ద్ర‌వ్యోల్బ‌ణం రేటు 5 శాతంగా ఉంది. అప్పుడు మీరు అద‌నంగా పొందిన 4 శాతానికి మాత్ర‌మే ప‌న్ను చెల్లించాలి. ఇండెక్సేష‌న్ ద్వారా ల‌భించే ఈ స‌దుపాయం సీఐఐ గ‌ణాంకాల ప్ర‌కారం ఉంటుంది. ఒక వేళ డెట్ ఫండ్లు, బ్యాంక్ డిపాజిట్లు ఒకే విధ‌మైన రాబ‌డిని ఇచ్చిన‌ప్ప‌టికీ ప‌న్ను త‌ర్వాత ఆదాయం డెట్ ఫండ్ల‌లో ఎక్కువ ఉంటుంది.

క్ర‌మ‌మైన రాబ‌డి:

వ‌డ్డీ రేట్లు త‌గ్గుతున్న ప‌రిస్థితుల్లో క్ర‌మంగా ఆదాయం పొందేందుకు డెట్ ఫండ్లు ఉప‌యోగ‌క‌రంగా ఉంటాయి. ఉదాహ‌ర‌ణ‌కు ఒక మ‌దుప‌రి రూ.25ల‌క్ష‌ల‌ను ఏడాదికి 9శాతం వ‌డ్డీకి బ్యాంకు డిపాజిట్ చేశార‌నుకుందాం. దీని మూలంగా అత‌నికి ప్ర‌తీ నెల రూ.18,750 ల‌భిస్తుంది. ఆ వ్య‌క్తి 30శాతం ఆదాయ‌ప‌న్నుస్లాబులో ఉన్న‌ట్ల‌యితే దాదాపు రూ.5600ప‌న్ను చెల్లించాలి. ప‌న్నుత‌ర్వాత ల‌భించే ఆదాయం రూ.13,100 అవుతుంది. అదే డెట్ ఫండ్ల‌లో సిస్ట‌మేటిక్ విత్‌డ్రాయ‌ల్ ప్లాన్ ను ఎంచుకున్న‌ట్ల‌యితే మూల‌ధ‌న రాబ‌డిపై త‌క్కువ ప‌న్ను చెల్లించే అవ‌కాశం ఉంటుంది.

వైవిధ్య‌త‌:

డెట్ ఫండ్లు వివిధ ర‌కాల ప‌థ‌కాల్లో మ‌దుపుచేస్తాయి. ఈక్విటీ ఫండ్ల‌తో పోలిస్తే వీటిపై మ‌దుప‌ర్ల‌కు వ‌చ్చే రాబ‌డి నిల‌క‌డ‌గా ఉంటుంది. పోర్టిఫోలియో వైవిధ్య‌త మూలంగా న‌ష్ట‌భ‌యం త‌గ్గి రాబ‌డి స్థిరంగా ఉంటుంది.

అనుకూల‌త‌:

ఒక మ‌దుప‌రి ద‌గ్గ‌ర ఎక్కువ మొత్తంలో నిధుల ఉన్నాయ‌నుకుందాం. అత‌నికి ఈక్విటీలో ఎప్పుడు మ‌దుపుచేయాలో తెలియ‌దు. సిప్ విధానం దీనికి క‌చ్చితంగా స‌రిపోతుంద‌ని చెప్ప‌వ‌చ్చు. దీని మూలంగా రూపీ కాస్ట్ ఏవ‌రేజింగ్ అవుతుంది.

సేవింగ్సు బ్యాంకు ఖాతాలో వ‌చ్చే 4శాతం ఆదాయం పొందడం స‌బ‌బేనా? స‌రిగ్గా ఇక్క‌డే డెట్ ఫండ్ల‌తో మ‌దుప‌ర్లు ల‌బ్ధిపొందొచ్చు. అదెలా అంటే సిస్ట‌మేటిక్ ట్రాన్స‌ఫ‌ర్ ప్లాన్ ద్వారా డెట్ ఫండ్ల‌లో పెట్టుబ‌డిని ఈక్విటీ ప‌థ‌కంలోకి క్ర‌మంగా మ‌దుపుచేసుకోవ‌చ్చు. ఒక డెట్ ఫండ్ కు ఎన్ని సిస్ట‌మేటిక్ ట్రాన్స‌ఫ‌ర్ ప్లాన్ల‌నైనా పెట్టుకోవ‌చ్చు.

మ‌దుప‌ర్లు కొంత మ‌దుపును డెట్ ఫండ్లలో పెట్టుబ‌డి చేయ‌డంపై ఆలోచించాలి. అయితే మ‌దుపుచేసే ముందు ఆయా ప‌థ‌కాల‌ను బాగా అర్థం చేసుకోవాలి. ఆర్థిక‌స‌ల‌హాదారుని సంప్ర‌దించి త‌గిన నిర్ణ‌యం తీసుకోవాలి.వీటిలో ఉండే క్రెడిట్ రిస్క్, వ‌డ్డీరేటు రిస్క్ ల‌పై అవ‌గాహ‌న ఏర్ప‌రుచుకోవాలి.

Comments

0

Post Comment

Thank you for submitting your comment. We will review it, and make it public shortly