ఖర్చులు తగ్గించుకొని పొదుపు చేయండిలా..

మీరు నెలవారీ బిల్లులను చెల్లించే ముందు, మీ జీతంలోని 20 శాతం లేదా 30 శాతాన్ని ముందుగా పొదుపు చేయండి

ఖర్చులు తగ్గించుకొని పొదుపు చేయండిలా..

మీ రోజువారీ ఖర్చులను నిర్వహించడం కష్టంగా ఉందా? మీ ఆదాయంలో ఎక్కువ శాతం దేనికి ఖర్చు చేస్తున్నారో తెలియకపోతే, మీ డబ్బును ఎలా నిర్వహించాలో మీకు తెలియదు. దీనిని అధిగమించడానికి మీ కోసం కొన్ని మార్గాలను కింద తెలియ చేశాము.

  • మీ ఖర్చులను ఎప్పటికప్పుడు ట్రాక్ చేసుకోండి :

నగదు బదిలీ, డెబిట్ కార్డు, క్రెడిట్ కార్డుల ద్వారా మీరు చేసే ఖర్చులను గుర్తించే కొన్ని రకాల యాప్ లను డౌన్ లోడ్ చేసుకుని ఉపయోగించడం మంచిది. అంతేకాక, ఇది షాపింగ్, ఆహారం, పానీయాలు, రవాణా, వినోదం వంటి వివిధ కేటగిరిలుగా ఈ వ్యయాలను వర్గీకరిస్తుంది, దీని ద్వారా మీరు ప్రతి కేటగిరికి ఎంత ఖర్చు చేస్తున్నారో సులభంగా తెలుసుకోవచ్చు. ఈ యాప్ ఫై చార్ట్ రూపంలో వాటిని ప్రదర్శిస్తుంది. దీని ద్వారా నాన్ ఫైనాన్షియల్ వ్యక్తి కూడా వారి ఖర్చులను సులభంగా గ్రహించవచ్చు. మీరు దేని కోసం ఎక్కువ మొత్తాన్ని ఖర్చు చేస్తున్నారో ఈ యాప్ గుర్తించడం వలన తరువాతి రోజుల్లో మీరు ఆ ఖర్చులను తగ్గించుకోడానికి ప్రయత్నించవచ్చు.

  • ప్రతి నెలా కొంత మొత్తాన్ని పొదుపు చేయండి :

మీరు నెలవారీ బిల్లులను చెల్లించే ముందు, మీ జీతంలోని 20 శాతం లేదా 30 శాతాన్ని ముందుగా పొదుపు చేయండి. ప్రతి నెలా 7 వ తేదీన సిస్టమాటిక్ ఇన్వెస్ట్మెంట్ ప్లాన్ (సిప్) ద్వారా డబ్బుని పెట్టుబడిగా పెట్టండి. తక్కువ వడ్డీ రేటును అందించే పొదుపు ఖాతాలలో మీ డబ్బును ఉంచకుండా ఈ మొత్తంతో పాటు, మీ జీతంలోని మిగిలిన మొత్తాన్ని ద్రవ్య నిధికి బదిలీ చేయడం మంచిది.

  • యుటిలిటీ వినియోగాన్ని సక్రమంగా నిర్వహించండి :

మీ వినియోగాన్ని నియంత్రించడానికి కేవలం ఒకే ఒక్క మార్గం ఉంది. ఉదాహరణకు, విద్యుత్తు బిల్లును తగ్గించే ఉష్ణోగ్రతకు మీ ఏసీని సెట్ చేసుకోండి. కంప్యూటర్ లేదా ల్యాప్ టాప్ ను మీరు ఉపయోగించకపోతే దానిని ఆపేయడం మంచిది. ఒకవేళ మీరు వోల్టేజ్ ఎడాప్టర్లను ప్లగ్ లో ఉంచినట్లైతే, అవి చార్జ్ చేయకపోయినా విద్యుత్ ను వినియోగిస్తాయి. విద్యుత్ వినియోగం తగ్గించాలనుకుంటే, వాటిని అన్ ప్లగ్ చేయడం మంచిది.

  • వినోదం, ఫ్యాషన్ ఖర్చులను తగ్గించుకోండి :

సినిమా, నాటకం, సంగీత కచేరీ, స్పోర్ట్స్ ఈవెంట్ లేదా స్టాండ్ అప్ కామెడీలలో కేవలం ఒకదాన్ని మాత్రమే ప్లాన్ చేయండి. వినోదం కోసం బడ్జెట్ ను రూపొందించుకోండి. ఖరీదైన రెస్టారెంట్లకు వెళ్లడం లేదా ఆహారాన్ని ఆర్డర్ చేసుకోవడం వంటివి చేయకుండా ఇంట్లోనే భోజనాన్ని సిద్ధం చేసుకోండి. ఇలా చేయడం ద్వారా తక్కువ ఖర్చులో ఆరోగ్యకరమైన ఆహారాన్ని ఆస్వాదించగలరు. బట్టలు, బూట్లు, సౌందర్య సాధనాల కోసం చేసే షాపింగ్ మీ ఖర్చులపై తీవ్ర ప్రభావం చూపుతుంది. మీరు అందంగా కనిపించడానికి ఎల్లప్పుడూ ఖరీదైన బట్టలను వేసుకోవాల్సిన అవసరం లేదు.

  • షాపింగ్ జాబితాను తయారు చేసుకోండి :

మీరు దుకాణానికి వెళ్లి, సరుకులు కొనే ముందు ఒకసారి దీనిని పాటించండి. ఇది కొనుగోలుదారులకు ఎంతగానో ఉపయోగపడుతుంది. మీరు కేవలం ఒక్క బ్రెడ్ కొనడానికి దుకాణానికి వెళ్లి 15 వస్తువులతో ఎప్పుడైనా బయటకు వచ్చారా? మీరు తీసుకున్న 15 వస్తువుల్లో దాదాపు సగం వస్తువులు అవసరం ఉండకపోవచ్చు, కానీ వాటిని కొనుగోలు చేస్తారు. దీని నుంచి తప్పించుకోడానికి మీరు ఒక జాబితాను ముందుగానే సిద్ధం చేసుకోండి. ఇది మీకు అవసరమైన వస్తువులపై ఒక స్పష్టమైన ఆలోచనను ఇవ్వడమే కాకుండా అనవసరమైన కొనుగోళ్లకు దూరంగా ఉంచుతుంది.

  • క్రెడిట్ కార్డు బిల్లులను చెల్లించడం మర్చిపోవద్దు :

ఉదాహరణకు మీరు ఆరు క్రెడిట్ కార్డులను కలిగి ఉండి వాటి బిల్లులను చెల్లించడంలో ఆలస్యం చేశారనుకుందాం. మీరు ఆలస్యంగా బిల్లులు చెల్లించినందుకు గాను నెలకు సుమారు రూ. 5000 పెనాల్టీగా చెల్లించే అవకాశం ఉంటుంది. అదే, మీరు నెలకు రూ. 5000 ఆదా చేసి ఒక సురక్షితమైన పధకంలో పెట్టుబడి పెట్టినట్లయితే, అది సంవత్సరానికి 8 శాతం రాబడులను అందిస్తుంది. ఇలా చేయడం ద్వారా మీరు కేవలం 35 సంవత్సరాలలో రూ. కోటి కి పైగా పొందగలరు. చిన్న విషయాలు మన రోజువారీ ఖర్చులను పెంచడంలో కీలకంగా ఉంటాయి.

Comments

0

Post Comment

Thank you for submitting your comment. We will review it, and make it public shortly