ఎల్‌ఐసీ ప్రీమియంను చెల్లించడానికి పది ఆప్షన్స్..

ఎల్‌ఐసీ కస్టమర్ పోర్టల్ ద్వారా ఆన్‌లైన్‌లో ప్రీమియంను సులభంగా చెల్లించవచ్చు

ఎల్‌ఐసీ ప్రీమియంను చెల్లించడానికి పది ఆప్షన్స్..

ఇకపై మీరు ఎల్‌ఐసీ ప్రీమియంను చెల్లించడానికి గంటల తరబడి క్యూ లైన్లో నిలబడాల్సిన అవసరం లేదు. ఎల్‌ఐసీ ఇప్పుడు ప్రీమియంను చెల్లించడానికి పది రకాల ఆప్షన్లను అందిస్తుంది. అలాగే ఎల్‌ఐసీ ప్రీమియంను చెల్లించడానికి అనేక ప్రత్యామ్నాయ ఛానెల్‌లు కూడా అందుబాటులో ఉన్నాయి.

ఎల్‌ఐసీ ప్రీమియంను చెల్లించడానికి ఉన్న పది ఆప్షన్లను మీకోసం కింద తెలియచేస్తున్నాము.

  1. ఎల్‌ఐసీ కస్టమర్ పోర్టల్ ద్వారా ఆన్‌లైన్ ప్రీమియంను చెల్లించడం :

ఎల్‌ఐసీ కస్టమర్ పోర్టల్ ద్వారా ఆన్‌లైన్‌లో ప్రీమియంను సులభంగా చెల్లించవచ్చు. ఎల్‌ఐసీ వెబ్‌సైట్‌ను ఉపయోగించి ఆన్‌లైన్ ప్రీమియంను చెల్లించడానికి రెండు మార్గాలు ఉన్నాయి. పాలసీ నంబర్, ప్రీమియం, డేట్ అఫ్ బర్త్ వంటి ప్రాథమిక సమాచారాన్ని నమోదు చేయడం ద్వారా ప్రీమియంను చెల్లించడానికి ఎల్‌ఐసీ పే డైరెక్ట్ మిమ్మల్ని అనుమతిస్తుంది. పోర్టల్ లో రిజిస్టర్ అయిన పాలసీదారులు ఎల్‌ఐసీ ప్రీమియంను చెల్లించడం చాలా సులభం. http://www.licindia.in/ వెబ్సైట్ కు లాగిన్ అయ్యి నెట్ బ్యాంకింగ్, ఐఎంపీఎస్, క్రెడిట్ కార్డ్ లేదా డెబిట్ కార్డు ద్వారా ఆన్‌లైన్‌లో ప్రీమియంను చెల్లించవచ్చు.

  1. ఈసీఎస్ ద్వారా ఎల్‌ఐసీ ప్రీమియంను చెల్లించడం :

ఎల్‌ఐసీ ప్రీమియంను చెల్లించడానికి ఉన్న రెండవ మార్గం ఈసీఎస్. మీరు మ్యాన్డేట్ ఫారం ద్వారా మీ బ్యాంకు, ఎల్‌ఐసీకి స్టాండింగ్ ఇన్స్ట్రక్షన్స్ ఇవ్వవచ్చు. ఈ ఈసీఎస్ మ్యాన్డేట్ ఫారాలు ఎల్‌ఐసీ బ్రాంచ్ ఆఫీసులో కూడా అందుబాటులో ఉంటాయి.

  1. డైరెక్ట్ డెబిట్ :

ఐసీఐసీఐ లేదా కార్పొరేషన్ బ్యాంక్ ఖాతాదారులు ఎల్‌ఐసీ ప్రీమియం చెల్లింపులకు డైరెక్ట్ డెబిట్ కోసం బ్యాంకుకు స్టాండింగ్ సూచనలు ఇవ్వవచ్చు.

  1. ఎల్‌ఐసీ మొబైల్ అప్లికేషన్ ద్వారా చెల్లింపు చేయడం :

మీరు విండోస్ లేదా ఆండ్రాయిడ్ ఆధారిత స్మార్ట్ ఫోన్‌ను ఉపయోగించి ఎల్‌ఐసీ మొబైల్ యాప్ ను డౌన్‌లోడ్ చేసుకుని, ఆన్‌లైన్‌లో ప్రీమియంను చెల్లించవచ్చు.

  1. బిల్ పే లేదా ఈబీపీపీ :

ఈబీపీపీ లేదా బిల్ పే ద్వారా కూడా ఆన్‌లైన్‌లో ఎల్‌ఐసీ ప్రీమియంను చెల్లించవచ్చు. అయితే, కొన్ని బ్యాంకులు మాత్రమే ఈ సదుపాయాన్ని అందిస్తున్నాయి. ఆ జాబితాలో ఐసీఐసీఐ బ్యాంక్, యాక్సిస్ బ్యాంక్, సిటీ బ్యాంక్స్, హెచ్డీఎఫ్సీ బ్యాంక్, ఫెడరల్ బ్యాంకు ఉన్నాయి. మీరు ఈ సౌకర్యం కోసం ఆన్‌లైన్‌లో కూడా నమోదు చేసుకోవచ్చు.

  1. ఎల్‌ఐసీ ప్రీమియం పాయింట్ :

ఆన్‌లైన్ చెల్లింపు ఆప్షన్ల ఉపయోగంపై అవగాహన లేని సీనియర్ సిటిజన్లు ఎల్‌ఐసీ ప్రీమియం పాయింట్ సౌకర్యాన్ని ఉపయోగించుకోవచ్చు. దేశవ్యాప్తంగా మొత్తం 32,000 ప్రీమియం పాయింట్లు, అలాగే 2500 అధికారిక లైఫ్ ప్లస్ కార్యాలయాలు అందుబాటులో ఉన్నాయి.

  1. ఏటీఎం ద్వారా ఎల్‌ఐసీ ప్రీమియం చెల్లింపు :

మీరు కార్పొరేషన్ బ్యాంక్, యాక్సిస్ బ్యాంక్, ఐసీఐసీఐ బ్యాంక్ ఏటీఎంల ద్వారా కూడా ఎల్‌ఐసీ ప్రీమియంలను చెల్లించవచ్చు.

  1. బ్యాంక్ వద్ద ఎల్‌ఐసీ ప్రీమియం చెల్లింపు :

మీరు కార్పొరేషన్ బ్యాంక్ లేదా యాక్సిస్ బ్యాంక్ వద్ద నగదు లేదా చెక్కు ద్వారా ఎల్‌ఐసీ ప్రీమియంను చెల్లించవచ్చు.

  1. ఫ్రాంచైజీ ద్వారా ప్రీమియం చెల్లింపు :

ఎపీ ఆన్‌లైన్, ఎంపీ ఆన్‌లైన్, సువిధా లేదా సీఎస్సీ కేంద్రాలలో నగదు రూపంలో ఎల్‌ఐసీ ప్రీమియంను చెల్లించవచ్చు.

  1. ఎల్‌ఐసీఎన్ఎంఎఫ్ ద్వారా ఆటోమేటిక్ ప్రీమియం పేమెంట్ సర్వీస్ :

ఒకవేళ మీరు ఎల్‌ఐసీ నోమురా మ్యూచువల్ ఫండ్స్ లో పెట్టుబడిదారులైతే, ఎల్‌ఐసీ ప్రీమియంను మీ మ్యూచువల్ ఫండ్స్ ఖాతా నుంచి డెబిట్ చేయడానికి మీరు ఎల్‌ఐసీఎన్ఎంఎఫ్ కు స్టాండింగ్ ఇన్స్ట్రక్షన్ ఇవ్వవచ్చు.

ఎల్‌ఐసీ ప్రీమియం చెల్లింపుకు ఏ ఆప్షన్ ఉత్తమమైనది?

ఎల్‌ఐసీ అధికారిక పోర్టల్ ద్వారా ప్రీమియంను చెల్లించడం మొదటి ఉత్తమమైన మార్గం. ఇక రెండవ ఉత్తమ ఆప్షన్ మొబైల్ యాప్ ద్వారా ప్రీమియంను చెల్లించడం. ఒకవేళ ప్రీమియం చెల్లించడానికి సమయం లేనివారికి లేదా ఆన్‌లైన్ లో చెల్లించడం సౌకర్యవంతంగా లేనివారికి ఈసీఎస్ ఆప్షన్ ఉత్తమం. ఒకవేళ మీరు ఈసీఎస్ ఆప్షన్ ను ఎంచుకున్నట్లైతే, ఈసీఎస్ లావాదేవీ వైఫల్యాన్ని నివారించడానికి మీ ఖాతాలో తగినంత బ్యాలెన్స్ ఉండేలా చూసుకోండి.

Comments

0

Post Comment

Thank you for submitting your comment. We will review it, and make it public shortly